كان نفسى بقلم الشاعرة نشوى الخطيب

كان نفسى
كان نفسى اكتب عن الوجع فرحه
اسرق شفايف مليها الضحكه
غنوة ليها ف القلوب دقه
عن بنت بتحب وكلها رقه
ابعد بعيد عن الآه والمواويل
كان نفسى اكتب عن عشق الليل
ابو العيوان والغزل والميل
كان نفسى اكتب عن نجمه
بصالى شعاعها ضيه فى انوارى
اجدل واضفر فى الغناوى الشوق
واطلع واطلع عند القمر لفوق
واشوف عيون كل الاحبه
اللى بترسم من القمر لوحه
لدنيا حلوة وسهرة مفتوحه
رافضه يشق ف جبينها الشمس
عايزة تعيش مع النجوم والامس
دابو فى عالم من الخيال
والهمس
يطلع نهار يشدو تانى المسا
بعيون تنام بشوقها متيبسه
والروح تناجى ليلها فى الاحلام
الليل يصبح تجرى بسرعه تنام
تكمل بسهرة مع حبها ف منام
نشوى الخطيب