صورة من الزمن الجميل
أنور وشلبية
محمدأبوالحسن
*******************
بقولك إيه ياشلبية
نعمين ياسيى أنور
يانور عنيا
ماتيجي نشق على
غيطنا
وناخد غدانا وميتنا
ونتمشى شوية
عالزراعية
نشم هوى العصاري
ونلف بين البراري
تحكيلي وانا احكيلك
وتعطريني بمنديلك
ونعيد كل اللي كان
من أيام زمان
من أول يوم الصباحية
ونجيب كمان سلق
وحميض
ونجمع البامية ونقطف
الملوخية
وتشويلنا كوزين ذرة
م اللي لسه خضرة
ومحيرة
ونقعد عالساقية
هي اللي لينا باقية
وناكل لقمة هنية
وبعدين نرتاح تحت
الصفصافة
نحلي بعنب وجوافة
تأكليني بإديكي وأكلك
بأديا
دا هيبقى حتة يوم
ياشلبية
قوام هاتيلي السديري
والجلابية
ومعاهم البلغة والطاقية
يله أوام ياشلبية
من عيني ياسي أنور
في أي حتة انت تنور
بس اني نفسي ياخويا
أروح البندر
أمشي على الكونيش
كده واتغندر
ونعمل زي اللافندية
تشبك إيديك كده في
إيديا
وناكل حلبة وترمس وبطاطامشويةم العربية
واحنا راجعين نجيبلنا
سندوتشين فول على
طعمية
وتبقى فسحةم اللي هي
آه منك ياشلبية
كل دايطلع منك ياشقية
وانا اللي كنت فاكرك
عبيطة وغبية
دانا اللي طلعت اهبل
وعبيط وناقص تربية
إلبندر حتة واحدة
ياشلبية
طب يله انجري قدامي
وماتطلعيش العفاريت
إللي فيا
إعلفي البهايم وصحي
النايم
وحصليني أوام
عالزراعية
إنتي لسه واقفةياشلبية
بقلمي:محمدأبوالحسن
ليست هناك تعليقات:
إرسال تعليق