لإمتى ياسكتي
هتخالفيني
لإمتى هداري دمعة عيني
لإمتى هتفضلي تعذبيني
ومن مرك هتسقيني
لإمتى لهمك هتشيليني
وأنا إكتافي انحنوا من سنيني
إمتى لفرحك توريني
والهنا تيجي تباركيني
إمتى العذاب يخاصمني
والراحة تيجي تصافحني
إمتى ياسكتي طمنيني
لطريق السلام اهديني
والأمل تعالي حطيه قدام عيني
ده عيوني دبلوا من الدمعة
وصوتي اتبح من الصرخة
وقولة آه بتوجع
والله بتوجع ياسنيني
ظالميني ناسك على طول
مش عاجيبنهم أي قول
عايزين الكلام المعسول
اللي بيلغي العقول
وإحنا مش من الطينة ديا
دي ليها ناسها اللي دارسينها
إحنا الطينة الطرية
اللي زي ماتحبي تشكلينا
على كيفك وهواكي
منين تريدي وياكي
يبقى ليه مانعجبشي
تعالي خودينا بأحضانك
ورينا شوية من حنانك
ولا إحنا ياناس مانستاهلشي
والله تعبنا يادنيا
كلماتي..... منى محمد
٢٠٢٠ /١٠ /١٨
ليست هناك تعليقات:
إرسال تعليق