كف القمر ينور الاكوان
أرض و سما سراج الاوطان
كف القمر بلسم جروحى
و دوا جفنى وانا سهران
ف كف القمر خطوط ساحره
كتبتلو رسالتى بأجمل الالوان
يا حكايه عشق يا قمرى
لا بسمه بتطرد الإحزان
يا عشق سنينى وجنون
يا قمرى ف ظلمة النسيان
يا سحر عيون يجننى
و بكتب فيه احلى ديوان
يا كل حروفى و سطورى
يا عشق بيسرى ف الشريان
يا دمعى لما بتغيبى
يا فرحى لما القمر بيبان
يا ملكه والفؤاد قصرك
يا اجمل ورده ف البستان
يا حلم العمر يا عمرى
وقبلك عمرى كأنه ما كان
يوم حبك يوم ميلادى
واللحظة ف قربك نعيم الزمان
انت الحبيب ..ارض و وطن
و انا الجندى فارس الميدان
فداك الروح يا روح الروح...
يا مالك قلبى و الوجدان
#مجنون
#القمر
سيد المبروك
ليست هناك تعليقات:
إرسال تعليق